SOLASPOTEOA, jada gure artean errotua dagoen saio osagarria da: 2009an Elizondon egin genuen, 2010ean Donezteben eta honetakoan, Bortziriak aldera joko dugu!!!
Egitaraua:
13:45etan Baztanesa aterako da Elizondokotik Donostiaruntz, bertako solaslagunak busez etorriko dira, Malerrekatik pasatu eta bertakoak ere autobusera.
Berara 14:30ak aldera ailegatuko dira.
Berara ailegatu eta elkarrekin GURE TXOKOA ELKARTERA joanen gara. Bakoitzak bere jana eramanen du, taperretan, bokatan… nahi bezala!!! Baldintza bakarra edaria ez eramatea da, elkartean hartuko dugu!!
Ondotik Solaspoteoa Berako ostatuetan barrena, musikaz alaiturik.
Baztanesa berriz ere Donostiatik bueltatuko da, eta arratsaldeko 20:15etan egonen da Beran, beraz, ordu horretan eginen dugu buelta denok elkarrekin, (beno, norbaitek gelditu nahi badu, libre izanen da nahi duena egiteko!).
Oharrak:
- Egun osoan zehar musika izanen dugu gure belarrien goxagarri!!!
- Saio osagarri hauek denondako irekiak dira, beraz zuen lagunei, familiakoei, ezagunei, amoranteei… parte hartzera animatzen ahal diezue.
- Baldintza bakarra euskaraz aritzea da!!!
Ea giro eder bat sortzea lortzen dugun!! Gora Solaspoteoa eta aupa solaslagunak!!!